ORANJESTAD (AAN): E caredanan a hala atencion di grandi y chikito. E animo entre participantenan tabata grandi den Centro di Bario y Deporte Dakota.
Pasobra tabatin caredanan di Hot Wheels. Como dos ora prome a habri cu inscripcion, y despues tabatin careda.
Pa e caredanan aki por a forma team di 5 persona. Pa por a mantene e caredanan mas husto posible pa tur hende, a prohibi di usa auto cu ta full hero, tambe no mag di agrega chumbo, y tampoco no tabata mag di pusta cu wielnan corta.
E interes tabata mas aun bisto cerca muchanan, cu a biba hopi cu e caredanan aki. Fuera di esey tabatin bendemento tambe di varios Hot Wheels, di cual alguno di serie di Fast & Furious ta hopi den demanda.
Aki por mira mas di e caredanan exitoso na Centro di Bario y Deporte Dakota.
https://diario.aw/categories/noticia/deporte/caredanan-di-auto-hot-wheels-tabata-formidable-na-centro-di-bario-dakota#sigProIdb3ccc7acb0
