Cantidad di record a ser kibra y campeonnan feliz na Campeonato Arubiano di Landamento

ORANJESTAD (AAN): E evento di Campeonato Arubiano di Landamento Nacional 2025 a ofrece cuatro dia emocionante di competencia

di nivel halto, cu prestacionnan notable y momentonan olividabel na Piscina Olimpico Roly Bisslik na Savaneta.

   E capitulo final di e temporada aquatico nacional di Aruba, a bin despues di e Campeonatonan Nacional di Open Water y Landamento Artistico, treciendo atletanan, coach, boluntario, y fanaticonan pa un exhibicion inspirador di talento den landamento na Aruba.

   Varios record a ser kibra: For di prome dia caba, e competencia a bin cu un ritmo rapido, y durante varios competencia, a mira recordnan di Aruba wordo kibra.

   Riba prome dia:  Den competencianan, atleta Emma Gobert a kibra e Record Arubiano di Mucha Muhe 13-14 den e 1500m Freestyle, cu un tempo di 19:39.04.   Atleta Jayla Stuut a kibra e Record Arubiano di Mucha Muhe 11-12 den e 50m Butterfly, finalizando den 30.20.

   Riba prome dia tambe, Luis-Mario Arends, Ian Croes, Genisis Laclé, y Gabriella Hermans a kibra e record di grupo di edad mixto 15-17 4x100m Medley Relay, cu tempo di 4:29.10.

   Ademas un Record Arubiano absoluto a wordo marca den e Medley Relay Mezcla 4x100m, cu Patrick Groters, Jordy Groters, Avi Tromp, y Mikaela van den Berg, finalizando cu 4:09.23.

   Riba di dos dia: Un otro record di ekipo a wordo kibra den e Mixed Freestyle Relay di 4x100m, cu Luis-Mario Arends, Inald Fernandes Perna, Mikaela van den Berg, y Gabriella Hermans landando 3:51.91.

   Riba di tres dia: No obstante cu tabatin Blackout riba henter Aruba, e competencia a sigui danki na e dedicacion remarcabel di e team organizador y boluntario.

   Ruben Mansur a imprimi un Group Record Boys Age, den e 200m Butterfly, finalizando den 2:30.33.

   Riba di cuatro dia: E dia final a cera cu un otro prestacion fenomenal.  Jaythan Winterdal a impone un record nobo di mucha homber 13-14 den e 800m Freestyle, cu e tempo di 10:08.08.

   Ranking di Club: Esaki ta e standing final despues di cuatro dia di competencia, y e tres clubnan cu mihor prestacion a cay den categoria.  Prome lugar a bay pa Aruba Dolphins.  Di dos lugar a bay pa Giants Aquatics Aruba.  Di tres lugar a bay pa Stingray Swimming.

   Un palabra di pabien na tur club participante y atletanan pa nan dedicacion, deportivismo, y logro.  Hopi danki na e boluntarionan cu a sigura e exito di e evento.

   E Campeonato Arubiano 2025 a finaliza cu hopi bon resultado, momentonan inolvidabel, y prestacion yen di inspiracion.  E verano aki, atletanan aquatico di Aruba lo hisa bandera di e isla an tres evento grandi internacional, den Artistic Swimming, Open Water Swimming, y Pool Swimming.  Entre otro atletanan di Aruba lo ta presente na World Aquatics Championship na Singapore, na Junior Pan American Games na Asuncion (Paraguay), y na World Junior Swimming Championships na Romania.

   E potretnan aki ta pa cortesia di Alvin Croes, di 297Sports.