Campeonato di Trefbal categoria B mucha muher ta cuminsa dialuna na Centro Deportivo Frans Figaroa

ORANJESTAD (AAN): Campeonato di Trefbal den e categoria B pa mucha muher organiza pa IBiSA  ta inicia

oficialmente Dialuna 21 di september 2026 pa 2:30 pm. E weganan emocionante aki lo tuma luga na Centro Deportivo Frans Figaroa na Noord, caminda e scolnan basico di Aruba lo midi forsa contra otro pa e titulo di campeon.

Scol cu titula campeon lo gana derecho pa participa den Weganan Interinsular na Bonaire 11 pa 14 di maart 2027.

E torneo aki ta priminti di ta yen di accion, dinamismo y bunita spirito deportivo, caminda e atletanan hoben lo representa nan scol cu orguyo.

Scolnan participante: Basis School De Schakel, Caiquetio School, Colegio Conrado Coronel, Colegio Felipe B. Tromp, Colegio Frere Bonifacius, Colegio Hilario Angela, Colegio Laura Wernet Paskel, Colegio Santa Teresita/Colegio Santa Filomena, Mon Plaisir Basis School, Mon Plaisir Basis School San Nicolaas, O.L.V. Fatima College, Prinses Amalia Basis School, Scol Basico Washington, St. Anna School y St. Dominicus College.

Comunidad di Aruba, e scolnan, maestro y mayornan ta keda cordialmente invita pa bini y apoya e muchanan durante e campeonato aki. Ban anima nos atletanan hoben!