Campeonato di natacion prome den su estilo na Aruba 'TYR Giants Open 2023' ta cla pa cuminsa otro siman

ORANJESTAD (AAN): Giants Aquatics lo tene su prome campeonato di natacion TYR Giants Open, cu lo ta prome den su estilo pa Aruba, riba nivel internacional.

Ta trata di un campeonato pa cual e landado riba 10 aña mester tin tempo di cualificacion pa por participa.

            E competencia ta conta cu pre-eliminatorio (prelims) mainta, pa cual e atleta por cualifica pa bay final anochi.  TYR Giants Open ta conta cu oficialnan di Merca, El Salvador y Curacao, cu lo t’ey specialmente pa e evento aki.

            Giants Aquatics ta extende un gradicimento enorme na sponsornan cu ta kere den e vision di Giants y ta sostene e evento TYR Giants Open 2023:

 Ta extende un invitacion cordial na bo persona pa asisti na e evento aki cu lo tuma lugar e dianan 28 di september (anochi), 29, 30 di september y 1 di october 2023 (mainta y anochi). E orarionan di parti mainta ta: 10.00 am-12.00 pm y parti atardi/anochi ta 6.00-9.00 pm.