Brazil Taekwondo Stichting a honra Prensa durante nan Cena di Pasco

ORANJESTAD (AAN): Brazil Taekwondo Stichting a conta cu 7 Medio di Prensa durante nan Cena di Pasco.

Tur aña Prensa ta presente na e Cena di Pasco di Brazil Taekwondo Stichting cu sa tuma luga den Centro di Bario Brazil.

Pa Brazil Taekwondo Stichting esaki ta significa masha hopi. Brazil Taekwondo Stichting semper tin Medionan di Prensa den nan actividadnan, specialmente na nan Cena di Pasco y varios personahe sa wordo premia.

Brazil Taekwondo Stichting ta hopi gradici cu Prensa sa bin e actividadnan di Brazil Taekwondo Stichting y ta traha relato pa pone den nan corant, website y sa pasa na television. E atletanan semper ta  comenta ora cu nan mira nan mes den media. Semper ora cu e atletanan mira un lens, nan sa haci nan best pa sali bon den e wowo di e lens.

Brazil Taekwondo Stichting a presenta nan Directiva nobo na Prensa. E aña aki Brazil Taekwondo Stichting no a organisa niun actividad, manera dos aña pasa, pero asina mes Prensa a bishita e zaal unda cu Brazil Taekwondo Stichting ta train y ora cu e rumannan Klabér a bolbe bek for di Europa nan tabata tey presente.  

Brazil Taekwondo Stichting ta gradici Prensa en general pa tur nan espacio brinda na Brazil Taekwondo Stichting durante di aña 2021. Ta desea tur un Bon Pasco y Prospero aña 2022.