Braves a gana Hawks pa clasifica oficialmente pa playoffs

ORANJESTAD(AAN): Diadomingo Braves a logra gana Brazil Hawks 3-1, pa asina clasifica oficialmente pa playoffs di double-A.

Braves a bay ariba 1-0 trempan ora cu Jomark Flanegin a bati un fly di sacrificio riba cual Luis Estrada a anota.

Hawks sinembargo a contesta y a empata e wega via un homerun di Kelvin Silvania.

E hit decisivo a bin den di 4 inning ora cu Giovanni Lane a conecta pa impulsa 2 careda pa pone e score na 3-1.

E pitchernan di ambos equipo a haci un bon trabao despues y no a permiti mas careda.

Hawks a bati 6 hit, mientras cu Braves a bati 8.

Ambos equipo a keda sin comete un error.

Pitcher ganador a resulta di ta Jair Williams, mientras cu pitcher perdedor tabata Zefrinthian Kerr.

E mihor bateadornan pa Hawks tabata Bryan Lopes 2-1, Darryl Wout 2-1 y Kelvin Silvania 3-1 (homerun).

Pa Braves e mihor bateadornan tabata Elgiomar Faro 1-1, Daniree Tromp 4-2 y Giovanni Lane 2-1.