Betto Roga a haya un merecido homenage

ORANJESTAD (AAN)-  Diasabra ultimo sr Betto Roga viviente leyenda di Aruba su Little League Baseball a haya un merecido homenahe.

Esaki a tuma lugar na residencia di su yui muher sra Mayra y Silvio Rasmijn-Roga. Den un ambiente festivo cu presencia di Minister di Deporte sr. Endy Croes, famia, ex-hungadornan di Aruba Rotary.

Minister di Deporte a elogia e carera impresionante di e baluarte sr. Betto Roga pa su enorme dedicacion voluntario na e deporte di Little League Baseball na Aruba.

Aprecio special a wordo duna na sr Betto Roga door di e prome team bou di su maneho di Aruba Rotary di aña 1980. Tabata un bunita anochi caminda Sr. Roga a keda masha honra mes cu e dedicacion na su  persona.