Bestuur di Fundacion Facilidadnan Deportivo a bishita varios facilidad bou di nan encargo

ORANJESTAD (AAN): Bestuur di Fundacion Facilidadnan Deportivo (FFD) a haci nan inspeccion rutinario,

caminda a bishita facilidadnan cu ta resorta bou di nan encargo. E meta di esaki ta pa tin un miho bista di trabounan di mantencion cu mester keda haci.

            A combersa cu diferente empleado y managers na e diferente facilidadnan pa tin un bista di con ta bayendo cu e operacionnan diario. Consecuentemente, a duna algun conseho na e diferente facilidadnan y tambe a elogia esnan cu ta haciendo un bon trabou.

            Presidente Alonso Tromp a enfatisa di ta na altura di tur e trabounan cu tin di wordo haci y sigur lo bay over na revisa y evalua e plan di mantencion.

            Miembro(nan) di Bestuur tin un bista riba kico tur ta e trabounan cu mester wordo haci, pues esakinan lo tin atencion riba punto di agenda den proximo reunionnan.