Awe ta continua campeonato di division honor di AVB cu 2 wega pendiente

ORANJESTAD (AAN)- Den fin di siman a continua e campeonato di division honor den su di 7 siman y awe e weganan ta continua 2 wega pendiente.

Resultado di e weganan di weekend pasa ta como lo siguiente.

Diasabra 10 Juli – Dakota y La Fama a keda empata 0-0. Y RCA a gana Estrella 2 pa 0.

Diadomingo Caravel a gana Bubali 3-2 y Nacional a gana Britannia 4-1.

Awe lo bay tin 2 wega pa campeonato division honor di AVB den Stadion Guillermo Prospero Trinidad. E weganan ta esnan pendiente cu pa un of otro motibo no a wordo hunga riba e fecha stipula.  E prome wega ta pa 6’or di atardi entre Britannia vs Dakota y 8’or lo tin e wega entre Nacional vs Estrella.