Atletanan di Brazil Taekwondo Stichting a pasa examen pa faha di color

ORANJESTAD (AA):  Master Clifford Rasmijn a tuma e encargo di Brazil Taekwondo Stichting. 

Master Clifford Rasmijn a enfoca ariba atletanan nobo pa forma parti di e team di "Train Hard Fight Smart".

            Algun atleta di Brazil Taekwondo Stichting a pasa examen pa faha di color.

            Master Clifford Rasmijn a prepara examen y e atletanan mester a demostra locual nan a siña na Brazil Taekwondo Stichting. 

            Examen a consisti di tecnica, 1-step, forma, bringa y teoria di Taekwondo.

Master Clifford Rasmijn a keda satisfecho cu tur locual e atletanan a siña y nan a sa di demostra esaki. 

Master Clifford Rasmijn a duna tur atleta cu a logra pasa examen nan certificado.