Atleta Joshua Klaber cu bon resultado di Taekwondo na Peru

ORANJESTAD (AAN): Recientemente e atleta Joshua Klaber di Taekwondo Team Aruba a participa den e di II Pan Am Series Sub 22 P10 2024 na Lima, Peru.

Joshua Klaber a participa pa busca su clasificacion pa e weganan Pan Americano otro aña na Asuncion, Paraguay.

   Joshua Klaber tabata tin 50 atleta den su categoria. Joshua Klaber a sali den e prome rond contra di Alejandro Añazco for di Paraguay. Joshua Klaber a gana e dos rondnan 2-0 contra di Alejandro Añazco. Despues Joshua Klaber a sali contra di Carlos Cortes for di Mexico kende ta sub campeon di Campeonato Pan Americano na Brazil 2024.

   Joshua Klaber a sali agresivo contra di Carlos Cortes pero a cay cortico den tur dos rond. Carlos Cortes a gana Joshua Klaber 2-0. Carlos Cortes a sali sub campeon den e di II Pan Am Series Sub 22 P10 2024 na Lima, Peru. Preparacion ta sigui pa e di III Pan Am Series Sub 22 P10 2024 cu ta bay ta na Cuba.

   Sr. Moises Fernandez Presidente di Aruba Taekwondo bond ta felicita Joshua Klaber pa su resultado na Lima, Peru.