Atleta di landamento Jaydon Croes presente na e 'Athletes Forum na Laussane', Suiza

Representando atletanan di Aruba riba un escenario Internacional

ORANJESTAD (AAN):  Diaranson 11 di juni lo inicia e “International Athletes Forum 2025” cu lo tuma luga na e cas di Comite Olimpico Internacional na Laussane, Suiza.

            Cada Comite Olimpico Nacional ta participa a traves di un miembro di e comision di atleta, unda cu atleta di landamento Jaydon Croes a haya e oportunidad pa por bay e edicion aki.

            Durante e dos dia di foro lo tin varios tayer interactivo unda lo trata temanan importante pa tur atletanan manera “Athlete 365” y kico tur esaki por nifica pa tur atleta.

            Ademas, lo tin varios “key note speeches” di figuranan importante dentro di e mundo Olimpico cu lo comparti nan experencianan. Ta desea Jaydon hopi exito!