Atco Indians a gana Red Machine 11-0 den 5 inning

ORANJESTAD(AAN): E prome wega di final di playoffs di baseball Double-A entre Atco Indians y Red Machine a termina prome cu tempo Diaranzon, debi na awacero.

Cu e score 11-0 na fabor di Atco Indians den top di e di 6 inning, umpire principal a dicidi di para e wega.

Mirando cu a hunga 5 inning, e wega a bira oficial y Indians pues a haya e triunfo na su nomber pa bay ariba 1-0 den e serie di best of 7.

Indians a bati 10 hit y no a comete error, mientras cu Red Machine a bati apenas 1 hit y a comete 2 error.

Pitcher ganador a resulta di ta Gerald Tromp kende a permiti apenas 1 hit.

Pitcher perdedor tabata Alexander Arias.

Pa Red Machine Djurwin Croes a bati e unico hit.

Mihor bateadornan pa Indians tabata Chee Fai Cheong 3-3, Jason Orman 2-2, Eugimar Helder 2-1 y Kenny Hart 2-1.