Aruba Taekwondo Masters y Instructornan a ricibi nan 'Kukkiwon Taekwondo Courses Certifications'

ORANJESTAD (AAN):  Recientemente, Aruba Taekwondo Masters y Instructornan a haya e prestigioso certificadonan pa Kukkiwon Taekwondo International Master Course & Poom Dan/ Examiner Course.

            E programanan intensivo aki, ofreci pa World Taekwondo Headquarters, Kukkiwon, ta ampliamente reconoci como un di e oportunidadnan educativo mas prestigioso den e deporte.

E maesternan y instructornan di Taekwondo ta inclui:

Sr. Melvin Rasmijn – 6th Dan for di Chaco Taekwondo Academy

Sr. Yoshmar Wever – 5th Dan for di Chaco Taekwondo Academy

Sr. Miguel Genser – 4th Dan for di Chaco Taekwondo Academy

Sr. Norberto Tromp – 4th Dan for di Estrella Taekwondo Center

Sra. Monica Pimentel – 2nd Dan for di Impact Taekwondo Aruba.

            E participantenan a yuda na e luna di november 2023, respectivamente na e 103ra International Taekwondo Master Course & 54ta Poom/ Dan Examiner Course teni na Bogotá, Colombia, y na e 104ta International Taekwondo Master Course & 55ta Poom/ Dan Examiner Course teni na Chicago, Merca.

            E Kukkiwon Courses ta profundiza den e detayenan di Taekwondo, incluyendo habilidadnan tecnico, maestria strategico, fundacionnan filosofico, y experiencia pedagogico. Participantenan ta sigui instruccionnan teorico completo hunto cu sesionnan practico, afilando nan habilidadnan y expandiendo nan base di conocemento.

Cu e adkisicion di e certificadonan di Kukkiwon Courses, e participantenan a yega na e punto mas halto di experiencia den Taekwondo. E logro remacabel aki ta un testamento di nan dedicacion inkebrantabel, habilidadnan excepcional di enseñansa, y compromiso profundo na e deporte.

            Aruba Taekwondo Federation (ARTBO) ta hopi agradecido na Colombian Taekwondo Federation, World Taekwondo Masters Union (WMTU), y The Kukkiwon World Taekwondo Academy (WTA) pa pone e programanan aki disponibel den nos region.

            Un agradecimento masha spesial ta bay na Grand Master Ki Hong Kim, Grand Master Antonio Ortegon, Grand Master Porfirio Alvarez, y Master Jean Carlos Gamarra. Seguramente, nan ta haciendo un trabou tremendo.

            Aruba Taekwondo Federation (ARTBO) ta hopi orguyoso di nan Masternan y Instructornan di Aruba cu a completa e curso aki, y ta sigur cu nan lo haci un contribucion balioso na e comunidad di Taekwondo di Aruba.