Aruba Taekwondo Bond a reuni tocante actividadnan pa 2023

ORANJESTAD (AAN) - Diaranson anochi Aruba Taekwondo Bond "ARTBO" a reuni hunto cu e departamento tecnico tocante e plan di actividadnan di 2023.

Monica Pimentel a trece su lista di actividadnan di 2023 pa asina ARTBO por pone esaki den e plan di 2023 pa e campeonatonan Internacional.

ARTBO a discuti tocante di un peticion di un carta cu nan a ricibi for di un miembro pa 4 campeonato pa 2023.  

Sr. Presidente Moises Fernandez a bin cu un algun idea di locual tur scol cu ta miembro di ARTBO mester haci entrante di November 2022 pa nan por organisa campeonatonan. Sr. Presidente a menciona cu pa 2023 Aruba ta bay tin varios campeonato Internacional y Mexico ta interesa pa bin Aruba.

ARTBO ta bay organisa Arubaanse Kampioenschappen pa solamente faha Cora y Preto. Tur atleta cu sali campeon di Aruba y cu ta participa den e Proyecto Piloto di Monica Pimentel y Stuart Smith ta bay ta e atletanan yama pa TK5 y pa campeonatonan Internacional. Stuart Smit ta preparando pa e proximo evento di Pan American Union PATU pa tey presente den e delegacion di Aruba pa asina asisti na e reunion Pan Americano.    

Monica Pimentel a splica tambe cu e reglamentonan di campeonato a cambia y Aruba no por keda atras. Sr. Melvin Rasmijn a keda encarga cu e cursonan pa e scolnan pa asina tur scol ta ariba e mesun nivel. 

Moises Jr. tin e tarea di coordina y controla tur e scolnan cu ta train pa sigui e desaroyo di e atletanan di Aruba pa asina por forma mas team pa 2023.

Nos hermana Isla a manda bisa caba cu na 2023 nan ta bay sigui cu e TK5 na luna di November pa asina Aruba por cuminsa prepara su atletanan. 

Monica Pimentel ta bay ta e coach pa e TK5, mirando cu Monica Pimentel a participa den e TK5 na Corsow caba unda cu Aruba a gana e Copa di TK5.