Addonsito ta gradici y felicita Chaco Taekwondo Academy

ORANJESTAD (AAN): Den fin di siman, mi tawatin e honor di ta e maestro di ceremonia (MC) principal di e di tres edicion

di Chaco Taekwondo Academy’s Ultimate Union Festival, awo den 2024.

E competencia, den Centro Deportivo Frans Figaroa, a start 9:00 di mainta y a termina 2:00 di merdia.         E himno di Aruba tawata interpreta p’e cantante Eltienne Yarzagaray y tawata e voorzitter di Chaco Taekwondo academy, Melvin Rasmijn, esun cu a hiba palabra gradiciendo cada atleta, sponsor, comishon di mayor, Jeremy Bonarriba pa e sound, docternan Hypert Flemming y Dora Tabarez, Alberto- y Jourdé Klaber pa e tatami, camera y computersystem, Dwight Jimenez pa e potretnan, Edward Silberie, tur 4 referee presente Augie Tromp, Jose Hernandez, Moises Dumfries y Eric Barry p’e cooperacion enorme cu a haci evento aki posibel.

            Tambe a gradici e 4 scolnan San Nicolas Taekwondo school, Brazil Taekwondo stichting, Chaco Taekwondo Academy y Tiger Taekwondo Academy. E tres categorianan cu tawatin competencia di e arte marcial Koreano, tawata Poomsae, Breaking (kibra palo) y Kyorugi.

            Na final a saca tur ganador y publico, atletanan y organisacion a bay cas contento.

Best male ‘24: Rayshawn Nicholson.

Best female ‘24: Tamara Erasmus CTA

Overall ‘24: Xamir Lake San Nicolas Tkdo