ORANJESTAD (AAN): Den siman di 20 te cu 25 di october, Aruba su Seleccion di Damas a finalisa un siman di preparacion productivo y profesional na Hulanda.
Esaki ta en preparacion pa cu 2025/26 Concacaf W Qualifiers, cu lo bay tuma luga pa prome biaha na Aruba den luna di November.
Bao maneho di head coach Arjan van der Laan y su staf tecnico, Aruba su seleccion di Damas a pasa den un trainingskamp intensivo cu tabata inclui dos partido amistoso contra Sparta Rotterdam y Jong Ajax Jong.
Un ekipo yena cu hopi talentonan hoben, ta sigui desaroya y su progreso ta mas cu notabel. Aruba su team Nacional di Damas ta determina y cla pa representa Aruba cu hopi amor y orguyo.
Aworaki cu gran expectativa nos ta na caminda pa 2025/26 Concacaf W Qualifiers na Aruba den luna di November. Nos kier yama Aruba completo pa uni hunto y ban apoya nos Damas Briyante! Cu union, disciplina y pasion, nos damas ta representa Aruba cu dignidad. Un team... un Aruba.
https://diario.aw/categories/noticia/deporte/aruba-su-seleccion-di-damas-preparando-pa-concacaf-w-qualifiers-di-2025-y-2026#sigProId352e08bca5
