Aruba Open Juniors 2026 tabata un exito rotundo

ORANJESTAD(AAN): Aruba Open Junior Tournament 2026 oficialmente ta un hecho y tabata un tremendo exito.

Organizadornan di e torneo di badminton a duna di conoce cu no tabata facil, unda cu for di mainta trempan te anochi laat mester a regla varios cos y haci hopi preparacion.

“Cualkier un di mil cos por bay robes, pero ora cu bo drenta e sport hall y bo wak hungadornan hoben ta warm up, nan mayornan ta aplaudi y apoya y e ‘shuttles’ den aire, cada momento di preparacion ta bale la pena”, segun e vocero di organisadornan di Aruba Open Juniors 2026.

E fin di siman cu a pasa un total di 46 hungador, muchanan homber y muher hoben cu a presenta a duna tur locual cu nan tabata por.

Den dos dia tabata tin 81 wega den 9 categoria, unda cu tabata tin batayanan feros cu a pone hende wanta nan rosea, mientras cu tabata tin diferente rally cu a pone hende bula lanta for di nan stoel.

Tin cu a gana medaya y tin cu no a gana medaya, pero cada un di e hungadornan a baha for di e cancha despues di siña algo di badminton, di competencia y di nan mes.

Esey mas cu un trofeo ta locual di berdad ta importante.

“Nada di esaki lo por ta posibel sin e personanan cu  a pone tur cos funciona tremendamente”.

Na Amber Sybesma y Roland Geerman, danki for di profundo di nos curazon.

Boos dedicacion na e deporte y na e deportistanan hoben ta resalta.

Danki tambe na tur mayor, miembro di famia y tur otro fanatico pa boso apoyo cu a yena e muchanan mas ainda cu energia, e organisadornan di e torneo a duna di conoce.

Resultadonan: 

Doubles pa mucha homber

1st – Rogier & Harshaan
2nd – Khymo & Sylvan
3rd – Rachid & Varun

Singles mucha homber

1st – Rogier
2nd – Harshaan
3rd – Sylvan

 Doubles mucha muher

1st – Ry & Abigail
2nd – Rimisha & Roshni
3rd – Grayce & Nisha

Singles mucha muher

1st – Grayce
2nd – Cristina
3rd – Roshni

 Doubles mescla

1st – Nicolas & Abigail
2nd – Sylvan & Rimisha
3rd – Chirag & Alia

 Singles Open

1st – Alia
2nd – Sofia
3rd – Dimple 

Resultadonan nacional masculino

Singles masculino
1st – Ashton
2nd – Giovanni
3rd – Deepesh & Aryan 

Doubles masculino

1st – Giovanni & Aryan
2nd – Deepesh & Ashton

 Mini U-8

1st - Mia
2sd - Tamara
3rd - Emanuel
4th - Maurits
5th - Veer