Diadomingo awor tin apertura oficial
ORANJESTAD (AAN): Aruba Open Beach Tennis Championship 2024 lo bolbe November 10 pa 17 na Bushiri Beach como e evento di beach tennis mas anticipa di e Gira Mundial di e Federacion International di Tennis (ITF).
E evento ta atrae e mihor hungadornan di 40 diferente pais di mundo y e aña aki e torneo ta celebra un logro nobo como un evento di ATF Sand Series 75 cu un suma record di $95,000, den premio y asina poniendo Aruba riba e plataforma mundial pa loke ta trata beach tennis.
E Sand Series ta inclui e torneo principal di e ITF Beach Tennis World Tour, cu ta diseña pa provee e hungadornan profesional cu oportunidadnan pa logra mas ranking points y mas premio monetario.
Un Evento Global y un Aña Record pa Beach Tennis Aruba
Pa mas di 10 aña, e Aruba Open a bira un evento importante pa e mundo di beach tennis, cu mas di 1,200 participante registra tur aña, incluyendo mas cu 500 hungador local cu ta representa nan isla orguyosamente. Famia y amigonan di e hungadornan internacional tambe ta biaha pa Aruba pa ta testigo di e competencia di caliber halto.
Durante e weekend di e campeonato, mas cu 10,000 mirones, cu ta consisti di localnan y turista, lo bini hunto na e main stadium creando asina un ambiente vibrante y electrico mientras e atletanan top
mundial lo bataya pa diferente titulo campeon.
E evento di e aña aki lo surpasa e cantidad di hungadornan registra di aña 2023, segurando
Aruba su reputacion como un destination global di beach tennis y asina posiciona Aruba Open como e evento deportivo mas celebra mundialmente.
Pan American Championship lo habri e Aruba Open 2024
Agregando na e emocion di e aña aki, Aruba a wordo selecta pa ta anfitrion di e ITF Beach Tennis Pan American Championship cu lo ta di November 7 pa 10 na Beach Tennis Aruba Club na Eagle Resort. E evento aki lo termina cu e Pan Am Finals na e anochi di apertura di Aruba Open na Bushiri beach, unda lo conta cu e finalnan den e categorianan di Girls and Boys 18U y Men’s and Women’s Doubles.
