Aruba North Little League a titula campeon den Senior Division

ORANJESTAD (AAN)- Diaranzon anochi tabata tin e ultimo wega di best out of five caminda e teamnan  Aruba North Little League y Liga Central Braulio Wester a enfrenta otro,

e team di Aruba North Little League a bira campeon den Senior Division cu e score di 1 pa 0. E tabata un wega hopi emocionante caminda e publico a disfruta di un tremendo wega di baseball caminda un di e teamnan ta bira campeon.

Mihor bateadornan pa ACLL ta Joenelly van der Linden 2-1 y Antron Franken 3-1.

Pa ANLL e mihor bateadornan ta Tai Vic Tromp di 2-1, Aleric Kock 3-1, Joan Sierra Rodriguez 3-1, Riangelo Richardson 3-1 y Vince Ramada 3-1.

E team di Aruba North Little League lo bay enfrenta Aruba den Latino Americano di Baseball 2022 na Guayamo Puerto Rico. Un pabien na e team di North League y tambe na e team di Liga Central kendenan a duna un fuerte bataya deportivo. Pabien hobennan.