Aruba Beach Tennis Championship 2022 lo conta cu mas di 1200 participante

Despues di 2 aña di ausencia

ORANJESTAD (AAN):  Un biaha mas, Bushiri Beach ta bira escenario di e torneo mas grandi, mas popular, y premia como e number 1 di mundo, esta Aruba Beach Tennis Championship 2022 cu lo cuminsa Diadomingo,  13 november.

Despues di 2 aña di ausencia, debi na e pandemia, e organisacion a bolbe tuma e encargo pa organisa e torneo aki. “No tabata facil. Cos a cuminsa move hopi slow, hungadornan a tarda pa confirma. Tur esaki debi na e situacion financiero mundialmente. Pero asina mes nos no a baha cabes, nos a keda cu e entusiasmo halto, cu e speransa y cu dianan acercando, e cantidad di hungador lo aumenta. Y esaki ta exactamente loke a pasa”, asina Sjoerd de Vries a comenta durante un entrevista.

E torneo lo bolbe tuma lugar na Bushiri Beach, cu espacio amplio pa parkeer. Mas di 1200 participante, di 40 diferente pais, lo ta batayando pa gana premionan na un balor total di $60,000.00.

 E programa ta como lo siguiente:

• Diadomingo 13 november – Apertura oficial, weganan di exhibicion y musica di Honey Pot
• Dialuna 14 november – Pro Mix Double, Amateur Mixed Doubles Tournament y pa 9 pm musica di DJ Aguilar
• Diamars 15 november – Pro Singles, Amateur & Singles Tournament, Amateur Mixed Doubles Finals, Pro Mixed Doubles finals y pa 9 pm
• Diaranson 16 november – Pro Singles Finals, Amateur Singles Finals, Master Doubles Tourmanent, Junior Tournament Group Play y pa 9 pm
• Diahuebs 17 november – Pro Men’s & Women’s Doubles QF, Pro & Amateur Team Cup Tournament, Junior Tournament Finals, Nations Cup y pa 9 pm
• Diabierna 18 november – Pro Men’s & Women’s Doubles R32, Amateur Men’s & Women’s Doubles y pa 10PM musica di Ataniro
• Diasabra 19 november – Pro Men’s & Women’s Doubles R16-QF, Amateur Men’s & Women’s Doubles, Pro Doubles Consolation y pa 10 pm musica di DJ Yeimy
• Diadomingo 20 november - Amateur Men’s & Women’s Doubles Finals, Pro Doubles Consolation Finals, Pro Men’s & Women’s Doubles Finals y pa cera e evento, DJ Nutzbeatz pa 10 pm

Weganan ta cuminsa tur dia pa 9'or di mainta y ta calcula pa termina alrededor di 9'or di anochi. Nos no por keda sin menciona cu nos lo tin bar y cushina bon surti. Banda di esakinan tambe lo tin diferente pop up stores y tambe nos lo tin daily happy hours. Pa esnan cu a presencia e evento aki den pasado, sa cu e evento aki ta un espectaculo riba su mes.