Aruba Bank N.V. a sostene torneo Copa Roy Croes 2023

ORANJESTAD (AAN): Aruba Bank N.V. orguyosamente a patrocina e torneo Copa Roy Croes 2023, organiza pa S.V. Unistars.

E torneo, den su di dos edishon, a tuma lugar for di dia 24 di augustus te cu 27 di augustus y a demonstra di ta un wega emocionante di futbol y talento riba nos isla.

  S.V. Unistars, un club di futbol cu un historia di mas di 35 aña, a ser funda pa Sr. Roy Croes cu e meta di fomenta talentonan hoben for di e barionan local. E torneo Copa Roy Croes a conta cu participacion di 15 club, incluyendo e seleccion nacional di Aruba y e seleccion di damas, cu a competi den diferente categorianan di edad y divisionnan.

   E compromiso di Aruba Bank cu e comunidad y su sosten pa deportenan local a resulta den su patrocinio cu S.V. Unistars pa e evento aki, Aruba Bank ta facilita e club pa por enfoca riba crea un experencia memorable pa participantenan y comunidad.

   E banco ta orguyoso di por a forma parti di e torneo Copa Roy Croes 2023. Nan sosten ta refleha e dedicashon pa fomenta talento local y pa crea un laso mas fuerte pa medio di deporte.