Aruba Bank conhunto cu AVB ta anuncia Liga Plata y Liga Oro Aruba Bank 

Campeonato di futbol di damas 

ORANJESTAD (AAN): Aruba bank a uni cu AVB pa forma parti di otro Campeonato di futbol di Damas. 

Despues di campeonato di Damas, Copa Aruba Bank cu tabata exitoso na comienso di aña, Aruba Bank ta contento di por forma parti un biaha mas di un campeonato specialmente pa nos damasnan. 

Aruba Bank ta contento di por apoya mas ekipo di futbol femenino cu ta activo aki na Aruba.

Aruba Bank ta orguyoso di por ta a patrocinador oficial di Liga Plata Aruba Bank y Liga Oro Aruba Bank na Aruba den e formato di mini-court.

Un invitacion ta bay na tur fiel seguidor di futbol pa bin apoya nos damanan den e campeonato cu lo cuminsa diadomingo, 03 di abril na e mini court di Club Estrella, RCA y Britannia.