Aruba Bank a aporta na e di 12 edicion di Kiwanis su torneo di golf caritativo

ORANJESTAD (AAN: Aruba Bank, e banco pionero d Aruba, ta satisfecho di por a aporta na e torneo di golf caritativo di Kiwanis Club of Aruba, cu a tuma lugar na The Links Divi Aruba dia 27 di maart 2022.

Ademas di a aporta na e realisacion di e evento, e banco a participa cu nan ekipo di golf di Aruba Bank y asina aporta na e meta pa recauda fondo pa obranan di caridad.

E ekipo a hunga un bon competencia y a pasa un rato ameno tur pa un bon causa. Nan ta contento di por a uni e talento “den cas” pa competi den un actividad comunitario deportivo cu un meta pa yuda recauda fondo pa obranan di caridad.

 Un pabien na Kiwanis Club of Aruba cu un tremendo torneo y tambe na e equipo campeon cu a consisti di Herman Brown, Bryan Nemecek, Eugene Dirksz y Lisette Danker cu a haci un bon trabou.