Aruba a perde 2-0 contra Mexico

WILLIAMSPORT: Diaranzon Aruba su ekipo di Little League a perde nan prome wega di World Series na Williamsport cu e score di 2-0.

Esaki ta nifica cu Aruba tin cu hunga contra e perdedor di un di e otro weganan internacional, pa purba avanza.

Si Aruba perde su di dos wega e lo keda elimina, pero e ekipo ta positivo cu nan lo gana nan proximo partido.

Diaranzon e pitcher di Mexico Antonio Guerrero tabata hopi bon y a logra un wega sin hit contra Aruba.

En total Guerrero a poncha 11 bateador den 5 inning riba monticulo, mientras cu Raul Hernandez Jr. a poncha dos bateador mas den ultimo inning.

Aruba a logra 3 base por bola si e tabata hopi bon hungando defensa.

Naivmar Angela tabata hopi bon riba monticulo pa Aruba.

E pitcher surdo den 5 inning a permiti apenas 1 careda limpi y 2 hit, mientras cu el a poncha 3 bateador.