Aruba a gana seleccion di US Virgin Islands

Porfin wega internacional back riba e isla

ORANJESTAD (AAN): Diasabra atardi, publico a aglomera den Compleho Deportivo Guillermo P. Trinidad na Dakota pa mira y apoya nan team, den e wega di CONCACAF Nations League, unda seleccion di Aruba a enfrenta seleccion di US Virgin Islands.

   Despues di 7 aña, atrobe e isla aki por a hunga back na cas y ki bunita cu hunto publico a experiencia e dia bunita aki cu un Victoria di Aruba.  Prensa local tambe tabata presente na grandi pa cubri tur esaki.

   E wega a finalisa cu Aruba como ganador cu e score di 3-1.  E goalnan di Aruba a worde anota pa Rovien Ostiana na di 51 minuut, Diederick Luydens na di 61 minuut, y Mishawn Molina na di 86 minuut.

   E goal di US Virgin Islands a worde anota pa Quinn Farrel na di 63 Minuut.