Apertura oficial di competencia Internacional di Schaak

ORANJESTAD (AAN): Na Hyatt Place Aruba Airport ta tumando lugar e “Aruba Chess Challenge 2024” cu participacion di ocho pais. 

Esnan particiopando ta Aruba, Curaçao, Bonaire, Grenada, Hulanda, Peru, Ecuador, y Suriname.

   Diahuebs despues di e Desfile di apertura, nan a reuni den e sala grandi unda tabatin cantamento di Himno di Aruba, sigui pa palabra di animo pa e competencia.  President di Fundacion Ahedres di Aruba, José Chelo Pesqueira tambe a hiba palabra, y e hurado principal tambe a splica riba algun regla importante.  Tabata presente tambe Carol Pesqueira-Williams cu ta coordinando e evento na forma fenomenal.

   Competencianan ta sigui awe Diasabra mainta 9:00 am cu round 4 di U-18 y Open.  Pa 3:00 pm tin Round 4, 5, y 6 di U-12.  Pa 6:00 pm tin round 5 di U-18 y Open.

   Riba Diadomingo pa 8:30 am tin round 6 di U-18 y Open.  Pa 10:00 am tin round 7 di U-12.  Pa 1:00 pm tin round 7 di U-18 y Open.   Atardi pa 6:00 pm tin entrega di premio y ceremonia di clausura.