Amateur Baseball Bond Aruba ta introduci e “Pelotero di Siman”

ORANJESTAD (AAN): Pa e Campeonato Hubenil 2021 Amateur Baseball Bond Aruba (ABBA) ta introduci e “Pelotero di Siman”. Esaki ta bay pa e hungador/pitcher cu a destaca mas durante e siman.

E Campeonato hubenil a start durante e siman di 22 October y lo finaliza na fin di Januari 2022.

Pa e promer siman di e Campeonato ( 22-24 October) e premio aki a bay pa Revan Maduro di X3M Hammersharks. Revan a bay di 5-4 incluyendo 1 triple y 3 careda empuha.

Pa e di 2 siman di e Campeonato (28 – 31 October) e premio aki a bay pa Zarik Tromp di Rockets Baseball Organization. Zarik tambe a bay di 5-4 cu 1 doblete y 1 careda empuha pa su equipo durante e siman.

Pa e di 2 siman di e Campeonato (28 – 31 October) e premio aki a bay pa Zarik Tromp di Rockets Baseball Organization. Zarik tambe a bay di 5-4 cu 1 doblete y 1 careda empuha pa su equipo durante e siman.

Ariba e potret ta ora cu e hungadornan ta ricibiendo na premio for di Omar Henriquez (Directiva di ABBA).