Amado Rosina y Nyles Oduber a colga sapato den liga 50+

ORANJESTAD (AAN) – Diasabra dia 4 di Maart tabata tin un tremendo campeonato dedica na Amado Rosina y Nyles Oduber kendenan ta hungadornan baluarte den futbol di Aruba

y cu a dicidi cu nan lo colga nan sapato den liga 50+, pero nan lo sigui den e otro liganan y yuda te caminda nan por.

Pa e campeonato aki Copa Amado Rosina y Nyles Oduber a bin 2 team di Corsow como intercambio deportivo. E campeonato a cuminza for di 2’or di merdia cu un wega di mucha, sigui pa un wega di 50+, despues Aruba a enfrenta Corsow, a sigui un wega entre Britannia vs RCA  Damas y a termina cu un wega entre Polis vs Brandweer.  Tabata tin un bunita homenage dedica na Amado Rosina y Nyles Oduber durante e weganan.

Resultado di weganan tabata como lo siguiente:

Arusur a gana 4 pa 2

Korsow a gana 2 pa 1 den 50 +

Aruba a gana 2 pa 1 dwn 40 +

Britannia a gana 2 pa 1 di RCA.

Brandweer a gana 3 pa 2 di polis