ORANJESTAD (AAN): DIARIO a haya informacion cu un arubiano lo bringa pa un titulo na Republica Dominicana. Ta trata di Sergio Tromp cu lo bay bringa den e deporte di Muay Thai Kickboxing.
Sergio lo wordo acompaña pa su dos trainer, Allen y Rygell Boye. Sergio Tromp lo bay bon prepara pa e pelea aki ya cu el a train duro pa esaki y lo tin cu saca cara di su isla Aruba manera e ta haci semper. Awor ta pa e titulo di Caribe den Junior.
E ta sigur y confia cu e lo bin cu e titulo pa Aruba ya cu e ta bisa el a pone hopi tempo den esaki y no ta kere di bin man bashi pa Aruba.
Peleanan lo ta internacional y lo tin mas otro peleanan tambe. Lo tin peleanan di MMA caminda pa esaki lo bay Myvier Orman den peso di 93 kg cu lo ta e pelea estelar di e anochi pa deporte di MMA y lo bay cu su trainer Richard Williams y tambe lo bay e referee internacional reconoci pa W.M.F. pa asina tambe ta parti di e peleanan di Muay Thai, Devon Hoge.
E grupo lo consisti di 8 persona. Tur esakinan ta wordo haci posibel pa ACC Panamerican B.V. cu a coopera den grandi pa e grupo aki por bay y a wak e importancia pa esaki bira realidad.
Tambe ta hopi contento cu Muay Thai Kick Boxing Aruba a coopera y drecha tur documento necesario cu mester pa realisa e pelea aki.
Awor tambe cu un presidente nobo Ruthmila Gonzalez tin cu bisa cu ta sigur cu ta prepara pa esaki y cu Aruba lo bin cu e titulo aki. Tin full confiansa riba sergio cu ta un mucha homber cu sa kico e kier y a mustra di ta hopi serio den su deporte y esaki ta algo cu ta importante.
Kier desea e atletanan hopi suerte na Santo Domingo y cu pronto por tende e bon noticia cu nan ta bin cu e titulo di Caribe pa Aruba.
Riba potret por mira e grupo cu ta viahando menos Richard Williams cu no por tabata presente door di su trabao pero si lo asisti na e evento.
