Alegria pa e team di Colegio Nigel Matthew cu a gana nan di dos wega

Weganan Interinsular Volleyball 2026

ORANJESTAD (AAN): Den Centro Deportivo Betico Croes na Santa Cruz, tabatin competencianan di Weganan Interinsular Volleyball 2026 entre Aruba y Curaçao.

   Diabierna merdia e wega a bay hopi bon pa e seleccion di Aruba, cu a ser representa pa e alumno- y atletanan di Colegio Nigel Matthew di San Nicolas.  E seleccion di Curaçao a ser representa pa Marnix College.

   E tabata un momento di orguyo y alegria, pa mira e alumnonan di Aruba logra nan di dos victoria. 

   E score final a bira Colegio Nigel Matthew a gana Marnix College cu score di 25-18, y 25-21.

   Ministro Gerlien Croes tabata presente na e actividad aki y a felicita e teamnan, y a saca potret tambe cu e team ganador di Colegio Nigel Matthew.

   E otro wega Diabierna tabata di Scholengemeenschap (CUR) cu a gana Mon Plaisir College (AUA) cu score di 25-17 y 25-20.