Aidan Klaber a sali atleta di aña 2025

Taekwondo Team Aruba

ORANJESTAD (AAN): Diamars anochi Taekwondo Team Aruba a celebra Cena di Pasco den Centro di Bario Brazil den ambiente di mayor y miembronan di directiva.

Durante aña 2025 Taekwondo Team Aruba a participa den varios campeonato Internacional y camp training na Merca. Danki na e automobilistanan pa nan donacion y mayornan cu a bende rifa pa haci tur e biahenan di e atletanan posibel. 

Aidan Klaber a sali atleta di aña 2025 pa di tercer aña consecutivo. Aidan Klaber a gana e TK5 na Surinam, Corsou y Orlando. Prome luga na Florida Cup Merca. Prome luga na Gold Coast Cup Merca. Segundo luga na Worldwide Martial Arts Orlando. Prome luga den Best of the Best 2025. 

Presidente di Aruba Taekwondo Bond "ARTBO" Sr. Moises Fernandez a entrega e premio na e atleta di aña Aidan Klaber.