ORANJESTAD (AAN): Recientemente, a tuma luga ceremonia di Premio Excelencia den Deporte unda cu a reconoce e atletanan cu mas a destaca den nan disciplina pa aña 2022.
Un anochi magico yena cu emocion y alegria unda a honra e 130 atletanan nomina, a reconoce bintishete (27) entrenado pa nan contribucion den e desaroyo di deporte di Aruba.
Tambe, a rindi homenahe na dies (10) baluarte deportivo cu a dedica gran parti di nan bida na desaroyo di deporte di Aruba. Banda di esaki, a reconoce seis (6) atleta olimpico cu a ricibi un certificado y pin di Olympians for Life (OLY) for di World Olympians Association pa nan esfuerso y pa promove e balornan olimpico. (Wak potret adhunto)
Pa finalisa, Minister Endy Croes ta gradici e entrenadonan pa nan contribucion den e desaroyo di deporte di Aruba.
https://diario.aw/categories/noticia/deporte/a-gradici-27-entrenado-nan-contribucion-den-e-desaroyo-di-deporte-di-aruba#sigProIdf511d17fc9
