SMAC ta cla pa Carnaval 69
ORANJESTAD (AAN): Darren van Ommeren, Presidente di SMAC a duna di conoce cu for di dia cu e directiva nobo a wordo nombra a cuminsa di biaha cu preparacionnan pa loke ta Carnaval 2023, cu ta Carnaval 69.
El a bisa cu nan ta ranca sali awe, cu ta e famoso 11/11 (11 di November) cu un actividad awenochi den Caya Grandi cu e popular evento riba e fecha aki. Ta bay tin mas di 5 banda riba escenario, food-court, gruponan cu ta bay 'show' nan pañanan, diferente entreneniment.
E evento ta cuminsa 7:30 pm y lo ta terminando banda di 2:30 am. E ana aki a opta pa cambia e concepto. Tempo cu SMAC a cuminsa e fecha aki tabata dedica na e Leyendanan y mirando e circumstancianan di e dos añanan cu no tabata tin ningun evento di carnaval y e efectonan riba comercio a dicidi di cambia e concepto y converti esaki den un 'fundraising event' pa SMAC por organisa e proximo eventonan durante e temporada di Carnaval 69, van Ommeren a splica.
