ORANJESTAD (AAN): Aruba Bank a revela cu orguyo su calender 2026, “Faces of Our Culture,” celebrando nos hende real cu ta carga y mantene na bida e tradicionnan di Aruba.
Inspira door di un combinacion di individualnan cu ta representa pesca, baile, artesania, cuminda, arte y hopi mas, e calendar ta honra e rikesa di nos herencia cultural.
Durante e presentacion, Aruba Bank a duna un danki na tur modelo cu a participa pa comparti nan storia y nan amor pa cultura. Nan contribucion a demostra nan parti autentico cu a duna amor na e proyecto.
Managing Director Rob de Ridder, a expresa su gratitud, bisando: “E calender aki ta refleha e espirito di Aruba y e individuonan cu a preserva nos identidad cultural. Nos ta gradici tur participante pa yuda trece e proyecto significante na bida.”
E calender ta reforsa e compromiso di Aruba Bank pa celebra comunidad, stimula orguyo local y preserva nos tradicionnan. E lo ser comparti cu tur nos cliente, partners y henter comunidad como un tributo na Aruba su cultura.
