Un total di 10 partido politico a presenta pa e 'loting' di entrega di lista di candidato

ORANJESTAD (AAN):  HoofdStembureau Aruba a informa cu den cuadro di entregamento di lista di candidatonan di partidonan politico dia 18 di october 2024,

e partidonan cu ta desea di entrega nan lista di candidato personalmente, a haya e oportunidad diabierna mainta pa saca un lot pa asina stipula e orario di entrega di e lista di candidatonan di partidonan politico pa cu e eleccion di parlamento di 6 december 2024.

            Diabierna, un total di 10 partido politico tabata presente pa e loting. E resultado di e loting ta lo siguiente:

Esaki ta e orario pa entrega di lista 18 october 2024:

09:00: Partido HTC (HTC)

10:00: Cristiannan Uni  Reforzando Potencial di Aruba (CURPA)

10:30: Movimiento Arubano Soberano (MAS)

11:00: Movemento Indigena Arubano (MIA

12:00: Partido Patriotico di Aruba (PPA)

13:00: RAIZ

13:30: Movimiento Electoral di Pueblo (MEP)

14:30: Red Democratico (RED)

15:00: Accion 21 (ACCION 21)

15:30: FUTURO (FUTURO)

            E resto di partidonan, lo por haci entrega di lista online, riba e mesun dia entre 9 a.m. y 4 p.m, segun carta di Electorale Raad.