Ricky Hoek reeligi como Presidente di Partido MEP

MEP a eligi directiva nobo pa 2024-2026 

ORANJESTAD (AAN): Den reunion di Conseho di Partido dialuna ultimo, miembronan di Conseho di Partido a eligi directiva nobo di MEP pa 2024 te 2026. Señor Ricky Hoek a wordo reeligi como presidente di partido.

            Segun Statuut di partido MEP, un directiva nobo mester wordo eligi cada dos aña. Partido MEP ta un di e poco partidonan politico cu ta aplica democracia bibo y ta cumpli cu Statuut di eligi directiva nobo cada dos aña. 

Directiva nobo:

Presidente: Ricky Hoek

Tesorera: Gina Werleman

Secretaria: Grace Koolman

Secretario General: Endy Croes

Secretario Internacional: Gerrit Croes

PR/Actividad: Joally Croes y Gilner Dirksen

Fundacion Formacion Politico Nel Oduber: Michella Steenvoorde-Lacle

HOT: Rodymar Geerman

Forza Femenino Grace: Darlaine Guedez-Erasmus

Fundacion Ing. Cezare Terzano: Manolo Giel y Myron Koolman

cu hunto cu Lider di MEP Evelyn Wever-Croes ta forma e directiva.

            “Mi ta gradici e directiva saliente pa tur e trabou eherce pa nos prestigioso partido, y mi ta felicita e directiva nobo. Mayoria di miembro a wordo reeligi, y cu esaki partido ta demostra e satisfaccion pa e trabou cu directiva a haci e ultimo dos añanan. E directiva nobo lo prepara nos partido pa e eleccion 2025, cu ta un responsabilidad grandi. Meta ta pa Partido MEP sigui ta e partido mas grandi na Aruba, y nos ta trahando duro pa logra esaki”, lider di MEP Evelyn Wever-Croes a duna di conoce.