Mike Eman a saca e nobatonan Gerlien Croes y Ryçond e nobatonan for di sala

ORANJESTAD (AAN): Parlamentario Endy Croes ta lamenta masha hopi e hecho di e nivel cu Mike Eman ta hiba politica. No solamente Mike Eman pero tambe henter Fraccion di AVP.

   Diabierna ultimo Parlamento tabata tin riba agenda presupuesto 2021. AVP tabata afwezig henter e reunion.

   AVP a briya cu nan ausencia:  Momento cu reunion a inicia AVP tabata haci politica barata cu dolor di werksternan di SKOA cu ta den un problema kendenan tabata otro banda di caminda dilanti Parlamento. Enbes di drenta Parlamento debati y pidi pa aloca placa den begroting pa e werksternan Mike a dicidi pa hunga wega politico barata cu nan dolor.

   No obstante Mike Eman mester ta den sala como cu e reunion ta inicia 9:00 am Mike Eman y Mike de Meza y Mervin Wyatt-Ras a escoge pa ta pafor di sala.

   Mike a instrui e dos “nobatonan” Gerlien Croes y Ryçond di AVP sin experencia pa nan so drenta sala.  Presidente nobo Edgard Vrolijk kende porcierto a dirigi e reunion cu caracter y ta un manera hopi profesional despues di a toca e Himno di Aruba y a habri e reunion  a tuma nota cu ningun hende a skirbi nan nomber riba e sprekerslijst y corectamente na e momento ey a sera e lista di oradornan.

   Na e momento ey e “nobatonan” Ryçond, Gerlien, Mansur y Sra Gunn a puntra kico ta pasando y a core bay pafor pa busca Mike Eman. Tanto Mike Eman y Mike de Meza a core drenta sala pa un minuut a sabiendo cu nan a faya y a ordena Gerlien y Ryçond pero tambe Mansur  pa bandona sala.

   Asina Ryçond, Gerlien y Miguel Mansur tur riba ordo di Mike manera algun “carne” a bandona e sala. Pa e bienestar general partidonan MEP y RAIZ a haci un apelacion extraordinario na Presidente pa honra e “nobatonan” oportunidad pa hiba palabra aunke cu nan a faya.

   Na un manera “gentil” e Presidente di Parlamento  Edgard Vrolijk a bay di acuerdo unda Gerlien Croes y Mervin Wyatt Ras kende a yega hopi laat a hiba palabra. Lamentablemente manera  cu nan a termina nan a bandona sala den oranan di mainta  y AVP nunca mas a bolbe reunion.

   Ora a kere cu Mike Eman lo para pa su votadornan y trece su criticanan riba presupuesto den Parlamento  manera e ta haci den prensa a resulta cu Mike Eman y AVP tabata “spoorloos” pa e resto di dia.

   “Manera costumber Mike Eman a bay yora cerca su amo Patrick Paskel  y Speed na e radio di Mimi. No por lubida cu Mike Eman a paga Patrick Paskel cu Speed 8 miyon Florin di plaka di pueblo durante 8 aña di AVP. Pues no por spera otro ta di con Mike  ta yora ayabanda enbes di ta den Parlamento.”

   Mike Eman no a firma ni presentielijst:  Como un ex-Promer Minister di Pais Aruba aunke Bo a desgracia e lugar aki financieramenta, Bo mester ta conosi cu reglamentonan di Parlamento paso Bo tabata Parlamentario tambe antes. Mike Eman a drenta sala pa saca su (2) Parlamentarionan di AVP afor.  Berguensa mas grandi ta cu ni Mike Eman tampoco Mervin Wyatt Ras (ex presidente di Parlamento) no a firma e presentielijst.

   Net esnan di AVP cu ta critica cu presupuesto ta laat y no ta aproba. Wel pa corona e obra despues di mas di 12 ora den Parlamento tratando e presupuesto na final momento di vota AVP atrobe ausente y no tabata tey. Den e  presupuesto aki a aloka entre otro plaka pa FASE, Loonsubsidie y MKB steun te cu december 2021.

   En realidad Mike Eman y AVP ta stima e pueblo aki? Esaki ta e politica  cu Mike ta siñando Gerlien Croes y Recond e nobatonan cu a priminti un cambio den AVP. Foei Om. Ora un di nan pasa “bababo” riba caya recorda nan  cu nan No tabata tey tampoko a vota pa e ayudo pa pueblo den presupuesto 2021.  Pueblo a vota pa boso traha y no cobra dineral sin traha. Tanto esun den KIA na Santo Patia Benny Sevinger y 6 Parlamentarionan cu no a traha diabierna mester pone man na nan curason y duna e plaka ey na por ehempel Imelda Hof. Dieptriest.