Parlamentario John Hart di AVP:
ORANJESTAD (AAN): Durante e aña parlamentario 2025-2026 parlamentario John Hart a splica cu manera ta costumber riba dia di apertura di Aña Parlamentario, Gobernador ta bin enfatisa e liña di maneho den nomber di gobierno. Locual ta resalta, como su prome reaccion riba e discurso di apertura, ta cu Gobernador di Aruba a indica enfaticamente e sentimento cu ta biba den nos comunidad, cu un deseo profundo pa reparti e prosperidad cu e comunidad den un forma husto.
Parlamentario Hart ta indica cu durante e tratamento di prespuesto supletorio 2025 por a mira caba proyectonan importante na caminda entre otro pa inversionnan den barionan di De Vuyst y Bishirti, un MFA pa San Nicolaas, renobacion di Arubahuis, renobacion di Reina Beatrix, revilitacion di Oranjestad y piernan. E liña di pensamento, e perspectiva expresa den e sentimentonan durante discurso di Gobernador, ta e prosperidad comparti y ta algo cu e Gobierno nobo ta articulando den cada paso. A subi e suma di reparatietoeslag pa 21 mil pensionado cu 250 Florin extra tur luna desde 1 di mei y a baha e accijnzen riba gasoline y diesel pa tur usuarionan cu 10 cent desde 1 di mei, remedi
Parlamentario Hart a reflecta na diferente momentonan positivo den Parlamento di Aruba den e aña parlamentario anterior. Parlamentario Hart a duna un ehemplo di vragenuur #1 cu a worde yama door di fraccion AVP den e caso di e joven Lanoy cu a perde su bida tragicamente caminda cu minister di Justicia a bin contesta diferente pregunta. Sr. Hart tabata kritiko y a enfatisa pa vragenuur por worde yama mas liher posibel na momento cu tin un peticion pa cu esaki pa asina por keda tambe al caso cu e actualidad di e tema y di e manera aki Parlamento por duna transparencia na e pueblo Arubano.
E aña Parlamentario 2025-2026 ta ranca sali cu algun prioridad riba agenda pa atende. E presupuesto 2026 ta na Parlamento caba y pronto lo worde trata. Sr. Hart ta splica cu un otro prioridad ta e continuacion di e reunion publico tocante e concepto di ley Rijkswet. Tin hopi discussion riba e topico aki. Manera ta conoci y bon documenta ex-Prome Minister a firma un “ Bestuurlijk Akkoord” den 2024. Den e “Bestuurlijk Akkoord” aki ex-Prome Minister, den nomber di Gobierno di Aruba, a acorda cu lo bin un “Rijkswet” pa regula supervision financiero y tambe cu lo bin un ley local di supervision financiero cu ta reemplasa e ley di supervision financiero actual.
