Liliana Rasmijn, Vocero di Polis:
*Perde bo rijbewijs ta un
ORANJESTAD (AAN): Algo cu tur chauffeur mester tene na cuenta ta cu si polis para bo y bo no tin bo documentonan na ordo of bo ta bao di influencia di substancia, bo lo por perde bo rijbewijs.
Vocero di Polis, Liliana Rasmijn a remarca cu tur cos ta depende di con hopi alcohol e persona tabata tin den su curpa orra di pasa test di supla. Mas halto e Ugl ta bo rijbewijs ta wordo kita, bo tin cu bay corte y bo ta haya un multa. Dependiendo con halto Ugl ta e chauffeur por haya su mes cu hues ta mand'e haya les pa 'refresh bo' pa por yega bek na haya e rijbewijs.
Ta henter un proceso mester tuma luga prome cu haya bek e rijbewijs. E ta wordo kita pa alomenos 6 luna y ta hues ta dicidi si bo ta hay'e of no of e ta ten'e un tiki mas largo y kico abo mester cumpli cu ne pa bo por haya bo rijbewijs bek, a enfatisa.
Segun Rasmijn, consecuencianan tin prinipalmente ora cu pa via di alcohol ta resulta cu tin victimanan inocente, ya sea cu nan ta perde nan bida of keda mancaron.
