Trainer Lodrico Briesen a fayece na Boca Catalina

ORANJESTAD (AAN): Diahuebs mainta a drenta un noticia lamentabel di un caso aparente di hogamento na Boca Catalina.

             Mas o menos rond di 9'or y mey, un alarma a wordo bati pa un persona cu lo a hay'e cu problema den lama na Boca Catalina.

            E personanan cu a yuda e cabayero lo a sac'e for di awa y lo a cuminza CPR mientras tabata wardando pa un ambulance.

            Dos ambulance a yega na lugar y vocero di Polis Liliana Rasmijn, a duna di conoce cu e paramediconan a haci nan maximo esfuerso pa scapa bida di e cabayero, pero lamentablemente e no a sobrevivi.

            Ta trata di Lodrico Briesen di 59 aña, naci dia 4 di september 1964. Informacion cu por a haya na e sitio ta cu e tabata bezig ta train algun hoben atleta pa un triathlon. E lo tabata sintiendo su mes malo.

            Famia di e fayecido cu a yega Boca Catalina profundamente afecta pa e perdida aki.

            DIARIO ta expresa palabranan di profundo condolencia na famia y conocirnan.