CARTAGENA: Autoridadnan na Colombia a raporta, cu den un accion di Armada Nacional Colombiano y Fuerza Aereo, nan a logra di intercepta y confisca un cargamento di 284,9 kilo di cocaina,
cu tabata abordo di un speedboat tipo Go-Fast alehando rapidamente for di costa Colombiano y rumbo pa Lama Caribe. Abordo di e boto tabatin 4 homber, y nan tur a keda deteni.
Ta trata aki di 1 Colombiano, y 3 Venezolano, kendenan ora cu a mira cu Guardacosta ta yegando cerca, nan a purba haci varios maniobra pa evadi nan. Nan a logra di para nan na 25 miya nautico Noordwest di Cabo de la Vela na La Guajira. Nan tabatin 11 bulto abordo, y en total a forma 285 paki rectangular.
