ORANJESTAD (AAN): E investigacion ta andando pa algun tempo caba, danki na tip combina cu informacion di otronan cu a keda deteni anteriormente,
cu ta basha abao y mustra autoridad cualnan ta e “big fish” den algun bario cu ta encarga cu importacion y/of distribucion di droga.
Siguiendo pista di algun persona cu lo ta envolvi den droga, riba Diamars mainta despues di a haya luz berde di Ministerio Publico, a acumula funcionarionan di Arrestatie Team, hunto cu unidad di Polis, e oficialnan di investigacion a sali pa tene razzia na tres diferente adres.
Uno di nan tabata na un compleho di apartamento den bario di Montaña na Noord. Aki di sorpresa a yega riba e personanan pa asina listra y investiga tur loke ta importante. Un hoben cu a yega den un auto blanco eynan, tambe a wordo deteni.
Varios material importante den cuadro di e investigacion a keda confisca, y durante e dia aki na final a detene 10 persona sospechoso, cu awor ta wordo interoga den cuadro di e investigacion grandi aki.
