ORANJESTAD (AAN): Tabata Diaranson den dia, cu testigonan a mira un pleito cu a sali fo’i man den Beaujonstraat na Playa.
Nan a mira tres persona den e caya, y 2 di nan tabata den discusion fuerte cu e otro persona. Dado momento e dos persona hoben aki a drenta den un auto compacto Toyota Vitz color shinishi, y aki nan a los algun tiro.
Esaki a pone cu alarma a wordo bati y Polis a yega mesora den e caya, pero ya caba e personanan a bay. A ricibi descripcion di e personanan aki.
Un rato despues, unidad di autoridad hudicial di Unit Narcotica a mira un di e hobennan aki cu ta cuadra cu e descripcion. E oficial mesora a actua y a detene e hoben aki banda di YMCA Dakota.
Esaki a pone bala cuminsa lora mesora, y demas autoridad competente a haya necesario pa tene un razzia mesora na un adres den Caya Huan Pablo II (ex-Rondweg).
Te na cierre di edicion, no a ricibi informacion si acaso mas sospechoso a keda deteni, y si acaso a haya arma of otro articulo eynan.
