Polis a bay atende Accident un biaha mas na cruzada di Koyari

ORANJESTAD (AAN): Tabata Diadomingo anochi cu autoridad a wordo notifica cu na e conocido cruzada na Koyari un accident basta fuerte a caba di socede.

   Patruya di Polis a yega poco prome cu 7:30’or na e cruzada banda di Koyari 27-A, cu ta cerca di Empresa Italo Arubano.  Dos auto sedan a dal den otro.  E prome unidad di Polis a ripara cu ta trata di un accident entre un Lexus color preto, y un Nissan Skyline color preto.  Ademas di Patruya di Noord, e Specialista di Trafico a presenta na e lugar pa asina sera caminda pa cuminsa cu nan trabao.

   Na e lugar di accident, esnan di ambos auto a cuminsa tira palabra pa otro y polis a haya nan ta tuma control di e situacion.

   Un di e partidonan no tabata tin un rijbewijs valido. Ambulance a presenta tambe pa asina atende cu e dos mucha cu a pasa den susto formal.

   Personal di ambulance a controla  e dos muchanan y despues a sigui nan caminda.

   Testigonan a splica cu e Nissan Skyline preto tabata bayendo zuid riba e caminda di preferencia, y na e cruzada aki e chauffeur di e Lexus a djis subi caminda sin duna preferencia.

   Caminda a keda cera pa polis di trafico haci nan investigacion.