ORANJESTAD (AAN): Den fin di siman durante oranan di anochi, Central di Polis a manda unidad di Polis di Playa pa mobiliza pa area di Madiki,
pa check un caso na un cas unda un person a wordo ataca y a keda herida.
E unidad di Polis a yega na un cas den Edenstraat, cu ta keda net panort di St. Franciscus College y a bin topa cu un cabayero cu un herida na su lomba.
A resulta cu e cabayero a haye den un discusion cu su pareha, y esaki dado momento a escala y a finalisa den e atake, unda e muher a hinca e homber cu obheto skerpi den su lomba.
E muher tabatey ainda eynan, y Polis a detene mesora. El a wordo hiba rumbo pa Warda di Polis na Shaba, unda a present’e dilanti Fiscal Auxiliar.
Mientras tanto, Ambulance a acudi na e cas pa asina atende e persona herida.
