Pickup a bula sali di Emanstraat y bay dal duro den auto riba Van Leeuwenhoekstraat

ORANJESTAD (AAN): Diadomingo marduga yamadanan a drenta na Polis, pa indica cu riba Van Leeuwenhoekstraat cerca di La Granja Restaurant un accident basta serio a caba di socede.

   E prome unidad di Polis di Playa cu a yega eynan, a bin topa cu un accident entre un Pickup y un auto sedan.

   A sali na cla cu e Pickup tabata bin cu velocidad halto di Emanstraat, y yegando na e cruzada aki e kier a subi Van Leeuwenhoekstraat.  Pero debi na velocidad, e vehiculo a slip y bay dal semi-frontal contra un Toyota Tercel cu tabata moviendo bay pabao riba Van Leeuwenhoekstraat.

   Debi na e impacto e chauffeur femenino di e Toyota Tercel a resulta herida.

   Polis a laga Ambulans presenta pa asina presta asistencia na e dama herida.  Potretnan cortesia awe24.com