Manehador di brommer a keda herida benta riba vloer durante accidente mainta tempran

ORANJESTAD (AAN):   Diahuebs tempran, banda di 7'or,  a sosode un accidente basta pisa na e cruzada banda di parlamento.

Tur cos ta mustra cu e auto, un Toyota Tercel A-43885 lo a sali dilanti di e brommer cu consecuencia cu e manehador di e brommer a sali cay herida.

E impacto tabata basta fuerte y chauffer masculino di e brommer a keda benta boca abao riba vloer.

Algun persona a acerca pa duna asistencia te na unda tabata por y pa yama Ambulans.

E Toyota cu segun informacion tabata maneha pa un chauffeur femenino a haya tambe basta daño na manda drechi di e pasahero unda e brommer a impacta.

Un rato despues personal di Ambulans y Polis a yega pa asina atende cu e victima y inicia un investigacion di e sucedido.