Lectura encuanto core auto burachi duna pa Polis di Bario na alumnonan Juliana School

ORANJESTAD (AAN): Recientemente na un forma hopi presentativo, oficial Besselink kende ta Polis di Bario a

bay duna un presentacion na alumnonan di Juliana School riba e asunto peligroso di core auto of motorcycle bao influencia, y tambe sin rijbewijs.

   Oficial Besselink a duna splicacion amplio di e efecto cu alcohol e.o. tin riba bo curpa, con e ta pone bo reaccion ta mas lento, y mucho mas.  El a agrega kico e consecuencianan ta pa cada persona den futuro, si acaso bo ta coriendo bao influencia y ocasiona accident.  Mesun cos a wordo splica relaciona cu si acaso bo wordo gara sin rijbewijs.

   Tambe a laga e hobennan check con nan ta sinti ora di supla riba aparato di Alco Sensor IV cu ta detecta cuanto alcohol tin den bo curpa.