Impacto entre dos auto a ocasiona morto di Frederick Croes di 60 aña

• 
• 
• 
• 
• 
• 
• 
• 
• 
• 
• 
• 
•  

View the embedded image gallery online at:
https://diario.aw/ar/categories/noticia/policial/impacto-entre-dos-auto-a-ocasiona-morto-di-frederick-croes-di-60-ana#sigProIdeedfddc56a

Desgracia mainta tempran na Westpunt --- ORANJESTAD (AAN): Diabierna mainta a sosode un desgracia na Westpunt. Esaki a sosode den careda di 8’or caminda dos auto a dal den otro.

            Esnan cu ta biba den cercania a constata cu aki tabata trata di un situacion basta serio na unda a haya un homber tras di wiel cu practicamente no tabata duna señal di bida.

            Patruya di polis di e distrito Noord a yega den un fraccion, mientras tambe presencia di ambulans a wordo rekeri cu urgencia. Mientras ambulans a presenta y e personal a cuminsa traha riba e victimanan.     Pa locual ta e manehador di e KIA Rio blanco V -5039,  e lo a haya basta sla debi na impacto. Tur esfuerzo a wordo haci, pero situacion di e chofer a bira mas critico y consecuentemente Docter Kanhai a constata morto di Frederick A. Croes di 60 aña.

            Pa locual ta dama chauffeur di e KIA Sorento shinishi scur A-8416,  e tambe a pasa den susto na momento e dos vehiculo a dal frontal cu otro.

            Specialista di trafico, polis tecnico y Slachtofferhulp a presenta na e sitio di e sucedido pa haci nan investigacion.

            DIARIO a haya informacion cu e victima tabata un habitante di Gold Coast y cu e lo a haya un dolor na su brasa.

            Cuerpo di Polis a emiti un comunicado di prensa indicando cu ta trata akinan di e di 6 morto den trafico pa loke ta 2021.

            DIARIO ta expresa palabranan di mas sincero pesame na famia y conocirnan di e fayecido.

• 
• 
• 
• 
• 
• 
• 
• 
• 
• 
• 
• 
•